بابەتە سەرەکیەکە: دادگای فیدراڵی عێراق، سەرجەم تانەکانی رەتکردەوە و بڕیاریدا هەر سێ یاسای گەڕاندنەوەی موڵک بۆ خاوەنەکەی، باری کەسی و لێبوردنی گشتی جێبەجێبکرێن.

ئەوەی پێویستە بیزانیت: دادگای باڵای فیدراڵی عێراق، كەمێک پێش ئێستا بڕیاریدا كە تانەدان لە یاسای لێبوردنی گشتی، باری کەسێتی و گەڕاندنەوەی موڵک و ماڵی  بۆ خاوەنەکەی رەتبکاتەوە، هەروەها بڕیاریدا بە هەڵوەشاندنەوەی فەرمانی دەوڵەت بۆ راگرتنی جێبەجێکردنی یاساکانی لێبوردنی گشتی، باری کەسی و گەڕاندنەوەی موڵک و ماڵ  بۆ خاوەنەکەی.

لەلایەکی دیکەوە: دادوەر جاسم عەبود، سەرۆکی دادگای باڵای فیدراڵی رایگەیاند، نابێت هیچ یاسایەک دەربکرێت کە لەگەڵ دەستوری عێراقدا ناکۆک بێت.

بیرخستنەوە: 4ـی شوبات، دادگای باڵای فیدراڵی فەرمانی دادوەری دەرکرد بۆ راگرتنی جێبەجێکردنی هەر سێ یاسای هەمواری باری کەسێتی، لێبوردنی گشتی، گەڕاندنەوەی موڵک بۆ خاوەنەكانیان، پاش ئەوەی لەلایەن ئەنجومەنی نوێنەرانەوە پەسەندکران.