بابەتە سەرەکیەکە: سەرۆککۆماری ئێران  رایگەیاند، ترەمپ هەمو سزاکان دەسەپێنێت و دواتر باسی گفتوگۆ دەکات.

لێدوانی فەرمی: مەسعود پزیشکیان سەرۆککۆماری ئێران لە لە دیدارێکدا لە پارێزگای بوشێهر رایگەیاند: ترەمپ هەموو سزاکان دەسەپێنێت و دواتر باسی دانوستاندن و گفتوگۆ دەکات، هەمو رێگاکان دادەخەن و خواردن و دەرمان گەمارۆی دەخرێتەسەر، ئەگەر تۆ پیاوی گفتوگۆ بیت، بۆچی نادادپەروەرانە مامەڵە دەکەیت و بژێوی خەڵک دەبڕیت؟.

ئەمەشی وت: بە پشت بەستن بە گەلی خۆمان و هەبونی پلانێکی رون، توانای چارەسەرکردنی زۆرێک لە کێشەکانمان هەیە، ناتوانن رێگامان لێ بگرن، با لە پرسە بچوکەکاندا گیرنەخۆین و کارەکە بدەینە دەست کەسانی لێهاتو.

زیاتر: بەرامبەر ئەوان بەهێز دەوەستینەوە و هەوڵێکی زۆر دەدەین بۆ بەدەستهێنانی ئەو شانازی و کەرامەتەی کە گەلەکەمان شایەنیەتی، ئەوان ناتوانن پێشکەوتن و خۆشگوزەرانیمان بوەستێنن.

چی تر: هەروەها، مەسعود پزشکیان سەرۆککۆماری ئێران سەبارەت بە پڕوپاگەندەکانی ئەمریکا وتی؛ ئێمە ناڵێین دانوستاندن ناکەین، ئەوانەی ئەمڕۆ باس لە دانوستاندن دەکەن، هەمان ئەوانەن کە توندترین سزایان بەسەر گەلی ئێراندا سەپاندوە.