بابەتە سەرەکییەکە: ئێران مانۆڕێکی هاوبەشی سەربازی دەریایی لەگەڵ
روسیا و چین ئەنجام دەدات.
راگەیەندراوی فەرمی:
وەزارەتی بەرگری روسیا بڵاویکردەوە: هێزە دەریاییەکانی ئێران بە یاوەری هێزەکانی
روسیا و چین لە کەناراوەکانی باشوری رۆژئاوای ئێران بە ئامانجی بەهێزکردنی ئاسایشی
ناوچەکە مانۆڕی سەربازی ئەنجام دەدات.
ئەوەی پێویستە بیزانیت:
ئەو سێ وڵاتە لە ماوەی ساڵانی رابردوشدا مانۆڕی سەربازی هاوبەشیان لە ناوچەکەدا
ئەنجامداوە لەسەر بنەمای روبەڕوبونەوە "هەژمونی ئەمەریکا" لە ناوچەکە
ئەو کارەیان کردوە.
لەلایەکی ترەوە: ئاژانسی
تەسنیمی ئێرانی ئاماژەی بەوەکرد: کەشتییە شەڕکەر و پشتیوانییەکانی هێزە
دەریاییەکانی چین و روسیا هاوشانی کەشتییە شەڕکەرەکانی ئێران لەو مانۆڕەدا بەشدار
دەبن.