بابەتە سەرەکییەکە: بەرەبەیانی ئەمڕۆ بەهۆی هێرشەکانی ئیسرائیل بۆ سەر ناوچە جیاجیاکانی کەرتی غەززە 51 هاوڵاتی فەلەستینی کوژران چەندین کەسی دیکەش برینداربوون.

سەرچاوە: رۆژنامەی ''شەرقل ئەوسەت'' بڵاویکردەوە، سەرلەبەیانی ئەمڕۆ فڕۆکە جەنگییەکانی ئیسرائیل هێرشی ئاسمانییان کردووەتە سەر چەندین ناوچەی جیاجیای کەرتی غەززە.

ئەمەش هەیە: هێزەکانی ئیسرائیل لە رۆژهەڵاتی شاری غەززە بە هێرشی زەمینی و فڕۆکە هێرشیان کردە سەر غەززە و ژمارەیەک کەس کوژران و چەندین کەسی دیکەش بریندار بوون.

زیاتر: تۆپخانەکانی ئیسرائیل باکوور و کەمپی نوسەیرات لە ناوەڕاستی کەرتی غەززە تۆپباران کرد هاوکات، زیاتر لە 25 هێرشی ئاسمانییان کردە سەر ناوچە جۆربەجۆرەکانی خان یونس و کەمپی ئاوارەکان و ژمارەیەک فەڵەستینی کوژران و دەیان کەسی دیکەش بریندار بوون.

لەلایەکی دیکەوە: بزوتنەوەی حەماس رایگەیاند، بەهۆی هێرشێکی دیکەی ئیسرائیل بۆ سەر رۆژئاوای کەرتی غەززە، ئیسماعیل بەرهووم، ئەندامی مەکتەبی سیاسیی بزوتنەوەی حەماس کوژرا.