پارتی سەوزی کوردستان داوا لە هاوڵاتییان دەکات سەردانی شاخی گۆیژە نەکەن، چونکە گورگی لێبیندراوە و مەترسیدارە.
پارتی سەوزی کوردستان لە راگەیەندراوێکدا وێنەی چەند گورگێکی " لە شاخی گۆیژە" بڵاوەکردەوە و ئاماژەی بەوەکرد:" داوا لە هاوڵاتییان دەکەین، سەردانی شاخی گۆیژە نەکەن، چونکە گورگ لەو شاخە بیندراوە و مەترسی پەرلاماردانیان هەیە بۆ سەر ئەو کەسانە کە نزیکی ئەو ناوچەیە دەبنەوە".
هەروەها، پارتی سەوزی کوردستان لە راگەیەندراوەکەدا داوای لە لایەنە پەیوەندیدارەکان کردووە، لەسەر دەرکەوتنی ئەو گورگانە لە شاخی گۆیژە بێنەدەنگ.
ئەمەش لە کاتێکدایە تاوەکو ئێستا هیچ لێدوان و روونکردنەوەیەک لەلایەن لایەنە پەیوەندیدارەکانی پارێزگای سلێمانییەوە لەسەر دەرکەوتنی ئەو گورگانە بڵاونەکراوەتەوە.
