ئایا یاری لەشجوانی کاریگەری لەسەر منداڵبوون دەبێت؟

تەندروستی پێش 2 هەفتە

لەلایەن: محەمەد سەردار

Alternate Text

پزیشکێکی پسپۆڕی نەخۆشییەکانی منداڵبوون ئاشکرای دەکات کە یاری لەشجوان بۆ پیاوان دەکرێت کاریگەری ئەرێنی و نەرێنیشی هەبێت لەسەر توانای دروستکردنی منداڵان.

درەو سەعید، پزیشکی پسپۆڕی نەخۆشییەکانی منداڵبوون ئاماژەی بەوەکرد:" دروستکردنی ماسولکە و دابەزینی چەوری جەستە و گرنگیدان بە کوالێتی خەو و خۆراک زۆرجار بەرزبوونەوەی هۆرمۆنی تێستۆستیرۆن بەخۆیەوە دەبینێت، ئەمەش دەتوانێت یارمەتیدەر بێت بۆ باشترکردنی توانای منداڵبوون ".

لەبارەی زیانەکانی ئەو یارییەش دەڵێت:" زیادەڕۆیی لە راهێنان، رێجیمکردنی زۆر و بەکارهێنانی ئەنابۆلیك ستیرۆید دەتوانێت کاریگەرییەکی توندی لەسەر  کوێرە ڕژێنەکان ببێت و تەمەڵیان بکات، بەمەش خانەی گوونەکان توانای دروستکردنی تێستستیڕۆن و خانەی سپێرمی نامێنێ و گوونەکان بچووك دەبنەوە و توانای منداڵبوون کەم دەکاتەوە ".

ئه‌مانه‌ش ببینه

‌‌مەڵتیمیدیا