بابەتە سەرکییەکە: نرخی ئەمپێری مۆلیدە بۆ مانگی رابردوو لەلایەن بەڕێوەبەرایەتی کارەبای سلێمانییەوە بڵاوکرایەوە.

راگەیەندراوی فەرمی: بەڕێوەبەرایەتی کارەبای سلێمانی ئاماژەی بەوەکرد: نرخی ئەمپێری کارەبای مۆلیدەی ئەهلی بۆ مانگی رابردوو لەنێوان 11 هەزار و 500 دینار بۆ 12 هەزار و 500 دینارە.

زیاتر: مانگی رابردوو مۆلیدەکان لەنێوان 280 بۆ 305 کاتژمێر کاریان کردووە و بەهۆی جیاوازی کارکردنیان نرخی ئەمپێرێک لە گەڕەکێک بۆ گەڕەکێکی دیکە جیاواز دەبێت.

ئەمەش بزانە: خشتەی کارپێکردنی مۆلیدەکان بۆ مانگی تەمموز 24 کاتژمێری دەبێت، واتا هەرکاتێک کارەبای نیشتمانی کوژایەوە پێویستە مۆلیدەکان کارەبا دابین بکەن.