بابەتە سەرەکییەکە: پاراستنی تەندروستی مێشک واتا پاراستنی تەواوی جەستە، چونکە تەواوی جەستە بە مێشکەوە گرێدراون.

کێ وتی: دکتۆر كارزان تۆفیق، پسپۆڕی نەخۆشییەکانى مێشك و ده‌مار، لە نوسینێکدا چەند ڕێگایەک دەخاتەڕوو، بە مەبەستى پاراستنى تەندرووستى مێشک، کە بەمجۆرەیە:

خه‌وی ته‌ندروست: زوو خه‌وتن و زوو هه‌ستان له‌ خه‌و، بۆ ماوه‌ی حەوت یان هەشت كاتژمێر له‌ ڕۆژێكدا.

خوێندنه‌وه‌: رۆژانه‌ خوێندنه‌وه‌ی کتێب و رۆژنامه‌ و گۆڤاره‌كان، دووركه‌وتنه‌وه‌ له‌ مۆبایل و كۆمپیوته‌ر.

وه‌رزشکردنی بەردەوام:  ئەنجامدانی وەرزش بە تایبەتی له‌ به‌یانیاندا و له‌ سروشت و ئاو و هه‌وایه‌كی پاكدا.

خواردنی ته‌ندرووست: خواردنی سه‌وزه‌ و میوه‌كان، چا، قاوه‌ی تاڵ، ماسی سه‌له‌مون، گوێز، ئه‌ڤه‌گادۆ.

دووربوون لەمانە: کێشانی جگەرە و نێرگەلە و هاوشێوەکانیان، هەروەها خواردنەوە کحولییەکان و ماددە هۆشبەرەکان، دەتوانن زیان بە تەندروستی مێشک بگەیەنن

فشاری دەروونی کەم بکەرەوە: کەمبوونەوەی فشاری دەروونی و ترس و دڵەڕاوکێ و بیرکردنەوەی ناتەندروست، هاوکاری باشتربوونی تەندروستی مێشک دەدات.