چی روویدا: لە میانەی یارییەکانی جامی پاڵەوانانی ئاسیا، هەردوو یانەی نەسڕی سعودی و شوڕتەی عێراقی لە یاریگای مەدینە لە بەغدا رووبەڕووی یەکتر بوونەوە، یارییەکەش بە یەکسانی کۆتاییهات.

زانیاری: یانەی نەسڕی سعودی لە خولەکی 13ی یارییەکەدا گۆڵی پێشکەوتنی تۆمارکرد و سوڵتان عەبدوڵا توانی تۆڕی شوڕتە بهەژێنێت، دوای 10 خولەک یانە عێراقییەکە توانی گۆڵی یەکسانبوون تۆمار بکات، بەوشێوەیەش یارییەکە بەو ئەنجامە کۆتاییهات.

چی تر: یارییەکە بە ئامادەبوونی 30 هەزار هاندەر لە یاریگای مەدینە لە شاری بەغدا بەڕێوەچوو، هەرچەندە هەمووان چاوەڕوان بوون کریستیانۆ رۆناڵدۆ لە یاریگەکەی عێراق یاری بکات، بەڵام ئەو یاریزانە پۆرتوگالییە هاندەرانی بێهیواکرد و نەهاتە بەغدا.