بابەتی سەرەکی: جۆری خواردن و خواردنەوەی رۆژانە کاریگەری راستەوخۆیان لەسەر تەندروستی و تەنانەت روخساریشمان دەبێت، پێنج خواردنەوەش لە بەیانیاندا دەبنە هۆی جوانکردنی پێست.

زانیاری: بە پێی راپۆرتێکی رۆژنامەی VN Express، ئەم پێنج خواردنەوەیە لە بەیانیاندا سودێکی زۆر بە پێست دەگەیەنن:

-چای سەوز:
ماددەکانی دژەئۆکسید و دژە هەوکردن و هەروەها دژەمیکرۆبی تێدایە، وەک چارەسەرێکیش بۆ زیبکەی دەموچاو و پێستی چەور دادەنرێت.

-ئاوی زەنجەفیل و زەردەچەوە:
ئاوی زەنجەفیل و زەردەچەوە کۆمەڵێک ماددەی دژەئۆکسید و بەکتریایان تێدایە، کە پێست لە هەوکردن دەپارێزن، لەگەڵ ئەوەشدا پێست لە چرچبوون دەپارێزێت و هاوکار دەبێت بۆ گەشەی خانەکانی پێست.

-ئاوی لیمۆ بە هەنگوینەوە:
بەهۆی ئەوەی دەوڵەمەندە بە ڤیتامین C، ماددەی دژە ئۆکیسد و بەکتریای تێدایە و هاوکار دەبێت بۆ دەربازبوون لە چەوری زیادەی لەش، کە هۆکارە بۆ گیرانی کونیلەکانی پێست و زیبکە.

-شەربەتی پرتەقاڵ:
شەربەتی پرتەقاڵ دەوڵەمەندە بە ڤیتامین C و هاوکار دەبێت بۆ سپیبوونی پێست لە رێگەی زیادکردنی بەرهەمهێنانی ماددەی میلانین، کە بەرپرسە لە رەنگی پێست، بەوەش خاڵە رەشەکانی پێست کەمدەبێتەوە.

-ئاوی گوێزی هیندی:
خواردنەوەی بەسودە بەتایبەت لە وەرزی هاویندا، چونکە دەوڵەمەندە بە کالیسیۆم و پۆتاسیۆم، کە هاوکار دەبن بۆ رەونەقدان بە پێست و رێگری لە وشکبوونی دەکەن.