بابەتە سەرەکییەکە: هەڵبژاردەی تازەپێگەیشتووانی عێراق لە پاڵەوانێتی رۆژئاوای ئاسیا دوورخرایەوە کە گەیشتبووە قۆناغی پێشکۆتایی پاڵەوانێتییەکە.

راگەیەندراوی فەرمی: یەکێتی تۆپی پێی رۆژئاوای ئاسیا بڵاویکردەوە: هۆکاری دوورخستنەوەی هەڵبژاردەکە ئەوەیە یەکێک لە یاریزانەکانی بە ناوی ئەحمەد عەلی مافی بەشداریکردنی لە پاڵەوانێتییەکەدا نەبووە چونکە پێچەوانەی یاساکان هەڵسوکەوتی کردووە.

هاوکات: یاریزانی ناوبراو تەمەنی یاسایی تێپەڕاندووە بۆ ئەوەی بەشداری ئەو پاڵەوانیتییە بکات.

چی تر: جگە لەوەی کە بە دۆڕاو هەژمار دەکرێت لە پاڵەوانێتییەکەدا، عێراق بە بڕی دوو هەزار و 500 دۆلاریش سزادرا، ئەحمەد عەلیش بۆ ماوەی شەش یاری سڕکرا و بڕی هەزار دۆلاریش سزادرا.

لە بەرامبەردا: یەکێتی تۆپی پێی عێراق ئیدانەی بڕیارەکەی کرد و جەختی لەوەکردەوە، بەڵهەی تەواویان لەبەردەستە کە ستەمیان لێکراوە و سەرجەم چالاکییەکانیسیان لە یەکێتی رۆژئاوای ئاسیا راگرت.