بابەتە سەرەکیەکە: وتەبێژی یەکێتیی نیشتمانیی کوردستان رایگەیاند، گفتوگۆکانی یەکێتیی و پارتی بۆ پێکهێنانی حکومەت بەردەوامدەبن و گرنگە پۆستەکان بە کەسی شیاو پڕبکرێنەوە.

لێدوانی فەرمی: سەعدی ئەحمەد پیرە، وتەبێژی یەکێتیی نیشتمانیی کوردستان رایگەیاند، کۆبوونەوەکانی یەکێتیی و پارتی بۆ پرسی پێکهێنانی کابینەی نوێی حکومەتی هەرێمی کوردستان بەردەوام دەبن.

ئاماژەی بەوەكرد: تائێستا له‌نێوان یه‌كێتی و پارتی دا باس له‌دابه‌شكردنی پۆسته‌ حكومییه‌كان نه‌كراوه‌ بەڵام پێویستە پۆستەکانی کابینەی نوێی حکومەتی هەرێم بە کەسانی شیاو و گونجاو پڕبکرێنەوە، لەپێناو پێشکەشکردنی خزمەتی زیاتر بە هاوڵاتییان.

ئەوەشی وت: بۆ چاره‌سه‌ركردنی پرسی موچه‌، ئه‌گه‌ر هه‌ڵه‌یه‌ك له‌ حكومه‌تی عیراق یان هه‌رێم هه‌یه‌، كه‌ بۆته‌ هۆی دواكه‌وتنی مووچه‌، گرنگه‌ بوێری ئه‌وه‌ هه‌بێت دان به‌هه‌ڵه‌كه‌دا بنرێت.

وتیشی: له‌ عیراق كه‌سانێك هه‌ن كه‌ چاویان به‌ سه‌قامگیری و خۆشگوزه‌رانی هه‌رێم هه‌ڵنایه‌ت، بۆیه‌ گرنگه‌ حكومه‌تی هه‌رێم له‌گه‌ڵ ئه‌وه‌ی فشاری زیاتر بخاته‌ سه‌ر حكومه‌ت، هاوكات كه‌موكوڕییه‌كان نه‌هێڵێت.