بابەتی سەرەکی: بەڕێوەبەرایەتی گشتی ژمێرکاری سەر وەزارەتی دارایی و ئابووری دەڵێت:" بڕیاری خەرجکردنی مووچەی مانگی تەممووزی خانەنشینانی هێزەکانی یەکەی 70 درا".

راگەیەندراوی فەرمی: بەڕێوەبەرایەتی گشتی ژمێرکاری سەر وەزارەتی دارایی و ئابووری باسی لەوەکرد:" خەرجکردنی مووچەی ئەو توێژە وەک کۆتا مانگ هاوشێوەی چەند ساڵی ڕابردوو لەسەر بەرپرسیارێتی وەزیری دارایی خەرجکراوە ".

روونکردنەوەی زیاتر: وەزارەتی دارایی ئاماژەی بەوەکرد:" بۆ مانگەکانی داهاتوو هەر کێشەیەک بۆ مووچەکانیان دروست ببێت کە لە گەنجینەی دووی سلێمانی مووچەیان بۆ خەرجدەکرێت، لەئەستۆی بەرپرسانی ئێستا و ڕابردووی هێزەکانی حەفتایە، کە زیاتر لە 10 ساڵە هەماهەنگییان لەگەڵ وەزارەتی پێشمەرگە نەکردووە بۆ ئەوەی کێشەکانیان چارەسەر بکرێت".

ئەمەش هەیە: وەزارەتی دارایی وتیشی:" بەپێی یاسای چاکسازی پێویست بوو لە دوای مانگی حەوتی ساڵی 2020 ئەو خانەنشینانەی دۆسیەی دروستیان هەیە دۆسیەکانیان بخرایەتە سەر بەڕێوەبەرایەتی گشتی خانەنشینی لەوەزارەتی دارایی و ئابووری".

ئەمەشی وت: ئەوە تێبینی تیمی هاوبەشی دیوانی چاودێری دارایی عێراق و هەرێمی کوردستانە و نابێت هیچ خانەنشینێک لەدەرەوەی بەڕێوەبەرایەتی خانەنشینی سەر بە وەزارەتی دارایی و ئابووری هەرێمی کوردستان مووچە وەربگرێت.