بابەتە سەرەکیەکە: ئەمشەو وەرزی نوێی چامپیۆنزلیگ بە بەڕێوەچوونی شەش یاریی دەستپێدەکات و ریاڵ مەدرید بۆ پارێزگاریکردن لە نازناوەکە رووبەڕووی شتوتگارتی ئەڵمانی دەبێتەوە.

ئەوەی پێویستە بیزانیت: شێوازی بەڕێوەچوونی یارییەکانی چامپیۆنزلیگ گۆڕاوە و لەم وەرزەدا 36 یانە بەشداریی دەکەن و لە ئاستی یەکەم تاکو هەشتەم راستەوخۆ دەگەنە قۆناغی 16.

زیاتر: لە ئاستی نۆیەم تاکو 24 لە پاشکۆی خولەکە یاریی دەکەن و لەم قۆناغەش هەشت یانەی دیکە دەگەنە قۆناغی 16 و ئەوانەی دیکە ماڵئاوایی دەکەن.

یاریەکان:

سەرەتا دوو یاری کاتژمێر 7:45 خولەکی ئێوارە ئەنجامدەدرێن:

یوڤێنتۆس رووبەڕووی ئایندهۆڤن دەبێتەوە.

یۆنگ بۆیز بەرامبەر ئاستۆن ڤیلا یاریدەکات.

دواتر چوار یاریی دیکە لە یەک کاتدا لە کاتژمێر 10:00 ئەنجامدەدرێن:

بایرن میونشن رووبەڕووی دینامۆ زەگرەب دەبێتەوە.

ریاڵ مەدرید بەرامبەر شتوتگارت.

ئەیسی میلان و لیڤەرپوول.

سپۆرتینگ لێشبۆنەی پورتوگالی و لیلی فەرەنسی.