بابەتە سەرەکیەکە: جێگری سەرۆک وەزیران رایگەیاند، هەڵبژاردنی
پەرلەمانی کوردستان لە وادەی دیاریکراویی خۆیدا دەکرێت و پەیاممان ئەوەیە هەڵبژاردنێکی پاک و بێگەرد بێت.
لێدوانی فەرمی: قوباد تاڵەبانی جێگری سەرۆکوەزیران رایگەیاند: هەنگاوی
باش نراوە بۆچارەسەری کێشەی مووچە لەگەڵ بەغدا و ئەنجومەنی ئابوری هەردوو حکومەتی
فیدراڵ و هەرێمی کوردستان بۆ ئەو مەبەستە کۆبونەتەوە.
ئەمەشی وت: ئەمڕۆش برێک پارە بۆ مووچەی فەرمانبەران خراوەتە سەر هەژماری
حکومەتی هەرێم و هێشتا بڕێک ماوە بۆ ئەوەی بتوانین مووچە دابەشبکەین.
چی دیکە: سەبارەت بە سەرژمێری وتیشی: ئەنجامدانی سەرژمێری لەناوچە
کوردستانییەکان کۆتایی بەنادادی دەهێنێت بەرامبەر کورد کە لەو ناوچانە ئەنجامدەدرێت،
دەبێت سەرژمێری بە شێوەیەکی زانستی بکرێت و بەسیاسی نەکرێت.
هاوکات: هەڵبژاردنی خولی شەشەمی پەرلەمانی کوردستان لەوادەی خۆیدا
دەکرێت و پەیاممان ئەوەیە هەڵبژاردنێکی پاک و بێگەرد بێت و کەمپینێکی دور لەگرژی
بۆ پرۆسەی بانگەشە بەڕێوەبچێت.
زیاتر: قوباد تاڵەبانی وتیشی: هەر قسەیەک لە سەر سلێمانی بکرێت حەسودی
پێبردنە و چاویان بە گەشە و ئازادی سلێمانی هەڵ نایەت، ئێمە دڵخۆشین کە سلێمانی لە
زۆر روەوە یەکەمە و لە ریزی پێشەوەیە.