چی روویدا: دەزگای ئاسایشی هەرێم لە ماوەی کەمتر لە 15
کاتژمێردا بکوژی هاوڵاتییەکەی ناحیەی خدرانی دەستگیرکرد.
راگەیەندراوی فەرمی: دەزگای ئاسایشی هەرێم دەڵێت:" شەوی
رابردوو کاتژمێر 9:00ی شەو لە گوندی كانی سپانی سەر بە ناحیەی خدران، هاوڵاتییەک بە
ناوی (خالید حەمە سوور) بەچەکی جۆری دەمانچە کوژرا".
ئەمەشی وت: کەسی بکوژ پاش ئەنجامدانی تاوانەکە شوێنی ڕووداوەکە
بەجێدەهێڵێت و هەڵدێت، بەڕێوەبەرایەتی ئاسایشی ڕاپەڕین بەدواداچوون و لێکۆڵینەوە دەستپێدەکات
و بەبڕیاری دادوەری لێکۆڵینەوەی ئاسایش هەوڵەکان چڕکرانەوە بۆ دەستگیرکردنی تۆمەتباری
ڕووداوەکە، پاش 15 کاتژمێر تونرا بکەری رووداوەکە بەناوی (ش.خ.ح ) لە چیای کۆسرەت دەستگیربکرێت.
زیاتر: لە ئێستادا تۆمەتبار بە بە پێی ماددەی 406 لە یاسای
سزادانی عێراقی دەستگیرکراوە.