بابەتی سەرەکی: لیستی هەڵوێست بانگەشەی بۆ هەڵبژاردنی پەرلەمانی کوردستان دەستپێکرد و سەرۆکی لیستەکە دەڵێت:" لیستی هەڵوێست رەنگدانەوەی واقیعی دەنگی جددی خەڵکی کوردستانە ".

لێدوانی فەرمی: عەلی حەمەساڵح، سەرۆکی لیستی هەڵوێست بۆ BMC دەڵێت:" لە رابردوودا نە لە گەندەڵی تێوەگلاوین و نە بەشێک بووین لە زوڵم، بەهەموو توانامان دژی زوڵم و ستەمی دەسەڵات وەستاوین".

ئەمەشی وت: پارەی دزراوی میللەتمان نییە تا کەناڵ و میدیامان هەبێت، بارەگا و ئۆفیس و موچەخۆرمان نییە، بەڵام هەزاران کەس لە خەڵکی کوردستان پشتیوانی ئێمە دەکەن.