بابەتە سەرەکیەکە: قوباد تاڵەبانی، لە چوارچێوەی کەمپینی بانگەشەی هەڵبژاردنی یەکێتی، هەردوو ناحیەی هێرۆ و هەڵشۆ و گوندەکانی دەوروبەری لە سنووری پشدەر بەسەر کردەوە.

راگەیەندراوی فەرمی: قوباد تاڵەبانی، لێپرسراوی مەکتەبی سکرتارییەتی سەرۆک مام جەلال، لە چوارچێوەی کەمپینی بانگەشەی هەڵبژاردنی یەکێتی، هەردوو ناحیەی هێرۆ و هەڵشۆ و گوندەکانی دەوروبەری لە سنووری پشدەر بەسەر کردەوە و لەگەڵ دانیشتوانی هەردوو ناحییەکە کۆبوویەوە.

ئەمەش هەیە: لە هەردوو کۆبوونەوەکەدا، قوباد تاڵەبانی باسی لە جیاوازی هەڵبژاردنەکانی ئەم خولەی پەرلەمانی کوردستانی کرد و رایگەیاند: لەم هەڵبژاردنەدا ساختەکاری ناکرێت و هیچ لایەنێک ناتوانێت بە ساختەکردنی دەنگی مردوو و خەڵکی ئاوارەوە هەوڵی بردنەوەی هەڵبژاردن بدات.

چی دیکە: لێپرسراوی مەکتەبی سکرتارییەتی سەرۆک مام جەلال باسی لە دۆخی یەکێتیی کرد و ئاماژەی بەوەکرد: یەکێتی لە سەردەمی سەرۆک بافڵ جەلال تاڵەبانیدا، زۆر جیاوازە لە چەند ساڵ لەمەوبەر و ئێستا یەکێتی یەک دەنگ و یەک بڕیارە و سەرۆکی یەکێتیی بەوە ناسراوە کە خاوەنی بەڵێنی خۆیەتی و هەر بەڵێنێک بدات جێبەجێیدەکات.

هاوکات: قوباد تاڵەبانی وتیشی: وەک چۆن لە هەڵبژاردنی ئەنجومەنی پارێزگاکانی عێراق، بەڵێنی بە کەرکوکییەکان دا کۆتایی بە دەسەڵاتی خۆسەپێن دەهێنێت و پارێزگارێکی یەکێتیی بۆ کەرکوک دادەنێت،  جێبەجێیکرد، وەک چۆن لەماوەی سێ ساڵی رابردوودا چەندین بەڵێنی دیکەی جێبەجێکردوە و هاوسەنگی هێزی گەڕاندوەتەوە.

ئەمەشی وت: ئەمجارەش بەڵێنەکەی سەبارەت بە راستکردنەوەی رێڕەوی حکومڕانی لە هەرێم جێبەجێ دەکات، هەربۆیە پێویستە خەڵکی کوردستان بە دەنگدان بە یەکێتی پشتگیری سەرۆک بافڵ بکەن بۆ گۆڕینی شێوازی حکومڕانی.

زیاتر: قوباد تاڵەبانی ئەوەشی خستەڕوو، ئەم هەڵبژاردنە دەرفەتێکی گەورەیە بۆ گۆڕانکاری لە هەرێمی کوردستان و جگە لە یەکێتی، هیچ لایەنێکی دیکە ئەگەر تەنانەت خواستی گۆڕانکاریشیان هەبێت، کەرەستەی پێویستیان نییە بۆ ئەنجامدانی گۆڕانکاری لە شێوازی حکومڕانی لە کوردستان.

دەشڵێت: هەر بۆیە سەرخستنی یەکێتی لەم هەڵبژاردنەدا دەرگا بەڕووی ئەو گۆڕانکارییە دەکاتەوە کە خەڵکی کوردستان چاوەڕێی دەکەن و داوای دەکەن.