بابەتە سەرەکیەکە: جێگری
سەرۆکی پارتی رایگەیاند، تەنها ئەو کەسانەی خۆیان لە بەرپرسیارەتی دەدزنەوە بێ کەم
و کوڕین، ئەوەی لای ئێمە ئاشکرایە ئەوەیە، کە بێ کەم و کوڕی نین.
لێدوانی فەرمی: نێچیرڤان بارزانی جێگری سەرۆکی پارتی لەمیانی هەڵمەتی
بانگەشەی پارتی دیموکراتی کوردستان لە شاری هەولێر رایگەیاند: هەموو ئامانجی گەلی
کوردستان بە شەو و رۆژێک نایەتە دی، دەزانین کەش و هەوای کوردستان و پرۆسەی سیاسی
لەو کەش و هەوایە ئاسان نەبووە.
ئەمەشی وت: ئێمە بە بەرپرسیارەتی خۆمان دەزانین کەم و کوڕییەکانی
کارکردنمان دەست نیشان بکەین، چارەی گونجاویان بۆ بدۆزینەوە، بەخۆماندا بچینەوە تا
بزانین لە چ بوار و ئاستێک بە باشرین شێوە گۆڕانکاریی بکەین خزمەتی هاوڵاتییانمان
بکەین.
چی دیکە: دەبێت وەک مەشخەڵی نەورۆز، کوردستان رۆژ بە رۆژ بەردەوام بێت
لە پێشکەوتن و لە نوێکردنەوەی هیوا بۆ گەلی کوردستان، بۆ هەموو ئەوانەی کە
باوەڕیان بە ئازادی و دادپەروەری و شکۆمەندی کوردستان هەبوو.
زیاتر: تێکدانی هەرێمی کوردستان مافی هیچ کەس و لایەنێک نییە و
هەمووان بەرپرسن لە پاراستنی خاکی کوردستان و میللەتەکەی و گەلی کوردستان شایستەی
خزمەتکردنی زیاترە لەوەی کە ئێستا هەیە.