بابەتە سەرەکیەکە: هونەرمەندی میسری مستەفا فەهمی، پاش تێکچوونی باری تەندروستی، بەرەبەیانی ئەمڕۆ چوارشەممە کۆچی دواییکرد.

کێ وتی: میدیاکانی میسر بڵاویانکردەوە: پاش ئەوەی لەناکاو باری تەندروستی هونەرمەندی ناوبراو تێکچووە، بەرەبەیانی ئەمڕۆ لە تەمەنی 82 ساڵیدا کۆچی دوایکرد.

ئەمەش هەیە: مستەفا فەهمی، مانگی ئابی رابردوو، لە نەخۆشخانەی شێخ زەید نەشتەرگەری مێشکی بۆ ئەنجامدرا  پاش ئەوەی تووشی وەرەمی مێشک ببوو بەهۆی نەشتەرگەرییەکەوە تووشی جەڵتەی مێشک دەبێت.

چی دیکە: هونەرمەند مستەفا فەهمی لە مانگی ئابی ساڵی 1942 لەدایک بووە، خاوەنی بڕوانامەی بەکالۆریۆسە لە پەیمانگای سینەما بەشی فۆتۆگرافی تەواوکردووە.

زیاتر: بەشداری لە زۆرێک لە بەرهەمە سینەماییەکانی وڵاتەکەی کردووە، لەوانە، أين عقلي و جها لوجه، لمن تشرق الشمس، الحب في غرفة الإنعاش، موعد مع القدر، هەروەها کۆتا رۆڵگیرانیشی لە فیلمی السراب بوو.