بابەتە سەرەکیەکە: بەگوێرەی راپۆرتێکی بانکی جیهانی، لە ئەنجامی شەڕی نێوان ئیسرائیل و حیزبوڵا لە 13 مانگی رابردوودا، 8.5 ملیار دۆلار زیان بە ئابووری لوبنان گەیشتووە.

لێدوانی فەرمی: بانکی جیهانی لە راپۆرتەکەیدا دەڵێت: پێشتر لوبنان بەهۆی چەند ساڵێک لە دروست بوونی قەیرانی ئابووریی، زیانی سێ ملیار و 400 ملیۆن دۆلاری لێکەوتووە، ئێستاش بە بڕی پێنج ملیار و 100 ملیۆن دۆلار، زیان بەر ژێر خانی ئابووری کەوتووە.
زیاتر: گەشەی راستەقینەی بەرهەمی ناوخۆیی لوبنان لە ساڵی 2024 بە بڕی 6.6٪ دابەزیوە.

چی تر: نزیکەی 166 هەزار کرێکار کارەکانیان لەدەستداوە و نزیکەی 100 هەزار خانووش بەشێک یان بە تەواوی زیانیان بەرکەوتووە، بە بەهای 3.2 ملیار دۆلاریش زیان بەر بازرگانی و کشتوکاڵی لوبنان کەوتووە.