بابەتە سەرەکیەکە: لە یاری نێوان هەردوو هەڵبژاردەی فەرەنسا و ئیسرائیل، شەڕ و ئاژاوە لە نێوان هاندەرانی هەردوولا دروست بوو.

سەرچاوە: فرانس پرێس بڵاوی کردووەتەوە: هەردوو یانە لە یاریگەی ستەید دی فرانس لە شاری پاریس رووبەڕووی یەکتر بوونەوە، دوای دەستپێکردنی یارییەکە، گرژی لەنێوان هاندەرانی هەردوو هەڵبژاردە دروست بوو.

زیاتر: لە تۆمارە ڤیدیۆییەکان دەردەکەوێت، هاندەرانی هەردوولا پەلاماری یەکتر دەدەن، تا ئێستا 40 کەس لەلایەن هێزەکانی پۆلیسەوە دەستگیرکراون.

چی تر: حکومەتی فەرەنسا نزیکەی چوار هەزار پۆلیس و هێزی ئاسایشی لە ناوەوە و دەرەوەی یاریگەکە جێگیر کردبوو. 

ئەوەی پێویستە بیزانیت: لە چەند هەفتەی رابردوودا لە ئەمستەردامی هۆڵەندا، لە یاریی نێوان یانەی ئەیاکسی هۆڵەندی و ماکابی تەلئەڤیڤی ئیسرائیلی، هاندەرانی یانە هۆڵەندییەکە لە دەرەوەی یاریگە هێرشیان کردە سەر هاندەرانی ماکابی و لێیاندان.