بابەتە سەرەکیەکە: ئەدهەم بارزانی سەبارەت بە سەرژمێری و گەڕانەوەی هاوڵاتیانی ناچە جێناکۆکەکان پەیامێکی بڵاوکردەوە.

پەیامی فەرمی: ئەدهەم بارزانی رایگەیاند: ئەرکی هەمومانە بیر لە هیچ نەکەینەوە جگە لە رزگارکردنی ئایندەی میلەتەکەمان نەبێت و شوناسی کورد رزگار بکەین لەو بەرنامەیەی کە بۆمان داڕێژراوە لەو سنورانە پێش تەتبیع و جێبەجێنەكردنی مادەی 140 دەستوری عێراق .

زیاتر: تکا لە خوشکان و برایانی کورد لە ناوچە کوردستانیەکانی دەرەوەی هەرێم دەکەم بگەڕێنەوە شوێنەکانی خۆیان بۆ سەرژمێری و بەڕۆحێکی کوردانەوە بەشداربن لەو پرۆسە گرنگە.

دەقی پەیامەکە:

بە ناوی خوای گەورە و میھرەبان, جەماوەری سەربەرزی کوردستان, هاوڵاتیان و کەس و کارمان لە ناوچە جێناکۆکەکان;

میلەتەکەمان بەگشتی و کەسوکارمان بەتایبەتی لە ناوچە کوردستانیەکانی دەرەوەی هەرێمی کوردستان لەبەردەم سەرژمێریەکی گرنگ و چارەنوس سازدان ، سەرباری ئەوەی کە بەداخەوە حکومەتی هەرێمی کوردستان بەگشتی و وەزارەتی پەروەردە بەتایبەتی ھندێك بەربەستی بۆ گەڕانەوەتان درەوستکردوە بەتایبەت پابەندکردنی خوێندکارەکانتان بە تاقیکردنەوە و دەوامی فەرمی لەناوەندەکانی خوێندن بەهۆی ڕانەگەیاندنی پشوو لەناوچەکانی تری هەرێمی کوردستان .

بۆیە ئەرکی هەمومانە بیر لە هیچ نەکەینەوە جگە لە ڕزگارکردنی ئایندەی میلەتەکەمان نەبێت و نفوزی کورد ڕزگار بکەین لەو بەرنامەیەی کە بۆمان داڕێژراوە لەو سنورانە پێش تەتبیع و جێ بە جێ نە كردنی مادەی ١٤٠ دەستوری عێراق .

لە هەمان کات تکا لە خوشکان و برایانی کورد لە ناوچە کوردستانیەکانی دەرەوەی هەرێم دەکەم بگەڕێنەوە شوێنەکانی خۆیان بۆ سەرژمێری و بەڕۆحێکی کوردانەوە بەشداربن لەو پرۆسە گرنگە و چارەنوسی میلەتەکەمان ڕزگار بکەن و هەموو بەربەستەکان تێبپەڕێنن.