بابەتە سەرەکییەکە: توێژینەوەیەکی زانکۆی بێرن لە سویسڕا زیانی نوێ و پێشبینی نەکراوی جگەرەکێشانی بڵاوکردەوە.

زانیاری زیاتر: توێژینەوەکە دەریخستووە، دوکەڵی جگەرە کاریگەری لەسەر کۆمەڵەی مایکرۆبایۆمی قورگ و لوت هەیە.

ئەمەش هەیە: تاقیکردنەوە لەسەر مشک ئەنجامدراوە و لە ئەنجامدا دەرکەوتووە، بەرکەوتنی درێژخایەن بە دوکەڵی جگەرە دەبێتە هۆی گۆڕانکاری بەرچاو لە مایکرۆبایۆمی دەم و کۆئەندامی هەناسە، ئەمەش هەوکردنی ڤایرۆسی توندتر دەکات.

لەلایەکی ترەوە: مارکۆس هێڵتی مامۆستای یاریدەدەر لە زانکۆی ئاماژەپێکراو رایگەیاند: دوکەڵی جگەرە دەبێتە هۆی تێکچوونی میکرۆبەکانی قورگ، کە ئەمەش رۆڵی سەرەکی لە توندیی نەخۆشییە ڤایرۆسیەکان دەگێڕێت.