بابەتە سەرەکیەکە: پاراستنی چاوەکانت لە فشاری پەیوەندیدار بە شاشە زۆر گرنگە، بەتایبەتی ئەگەر کاتژمێری زۆر بە بەکارهێنانی ئامێرە دیجیتاڵییەکان بەسەر بەریت.

زیاتر: دکتۆر کۆسار عەلی رشید پزیشکی پسپۆڕيی نەخۆشییەکان و نەشتەرگەری چاو، کۆمەڵێک رێنمایی گرنگ بۆ پاراستنی چاو لە کاتی بەکارهێنانی ئامێرەکان بڵاوکردەوە.

رێنماییەکانی پاراستنی چاو لە تیشکی زیانبەخشی ئامێرەکان:
-هەر 20 خولەک جارێک سەیری شتێک بکە کە لە دووری 20 مەترەوە بێت بۆ ماوەی 20 چرکە. ئەمەش یارمەتیدەرە بۆ ئارامکردنەوەی ماسولکەکانی چاو و ڕێگریکردن لە فشار.
 -ڕووناکی شاشەکەت لەگەڵ ئاستی ڕووناکی دەوروبەرت بگونجێنە.
-قەبارەی فۆنت زیاد بکە بۆ کەمکردنەوەی فشار لەسەر چاو.
-کەمکردنەوەی بەرکەوتنی ڕووناکی شین
-دڵنیابە لە ڕووناکی دادەنیشیت.
-شاشەکەت نزیکەی (٥٠-٦٠ سم) لە چاوەکانتەوە دوور بخەرەوە.
-دانانی شاشەکە کەمێک لە خوار ئاستی چاوەوە دابنێ بۆ کەمکردنەوەی فشار.
-مرۆڤەکان کەمتر چاویان دەتروکێنن کاتێک چاویان لە شاشەکانە، ئەمەش دەبێتە هۆی وشکبوونەوە. خۆت بیر بخەرەوە کە چاوت بتروکێنیت بۆ ئەوەی چاوەکانت شێدار بمێننەوە.
 -ئەگەر چاوەکانت هەستیان بە وشکبوونەوە یان خوران، ئەوا قەترەی چاو بەکاربهێنە.
 -پشوی بەردەوام و سنووردارکردنی بەکارهێنانی شاشە پێش خەوتن بۆ ئەوەی خەوەکەت تێک نەچێت.
-ساڵانە سەردانی پزیشکی چاو بکە یان ئەگەر تووشی ناڕەحەتی بەردەوام، کاڵبوونەوەی بینین، یان سەرئێشە بوویت .