بابەتە سەرەکیەکە: وەزارەتی کشتوکاڵی عێراق ئاشكرای كرد، نزیکەی حەوت هەزار سیستمی ئاودێریی مۆدێرنیان بە جوتیارانی ناوچە جیاجیاکانی عێراق داوە.

راگەیەندراوی فەرمی: وەزارەتی کشتوکاڵی عێراق لە راگەیاندراوێكدا بڵاویکردەوە، لە درێژەی هەوڵەکانیان بۆ باشترکردنی بەکارهێنانی ئاو لە کشتوکاڵدا، گرێبەستیان لەگەڵ وەزارەتی پیشەسازی و کۆمپانیا ناوخۆییەکانی عێراق کردووە، بە مەبەستی دانانی سیستمی ئاودێریی مۆدێرن لە زەوییە کشتوکاڵییەکاندا.

ئەمەش هەیە: بەهای گرێبەستەكانیان 800  ملیار دینارە و بەهۆی ئەو گرێبەستانەشەوە یەک ملیۆن و 500 هەزار دۆنم زەوی کشتوکاڵی بە سیستمی ئاودێریی مۆدێرن ئاو دەدرێن لە عێراقدا و بەرهەمهێنانی ئەو ناوچە کشتوکاڵییانەی لە پلانی وەزارەتدا هاتووە.

ئاماژە بەوەشکراوە: ئاودێریى مۆدێرن ئاوێکى کەمترى دەوێت، ئەمەش كاریگەریی زۆر باشى دەبێت لە پاراستنی سامانى ئاو لە عێراقدا.