بابەتە سەرەکیەکە: سەرۆکی فەڕەنسا رایگەیاند، پێویستە
هێزەکانی سوریای دیموکرات - هەسەدە تێکەڵی سوپای نوێی سوریا بکرێن.
لێدوانی
فەرمی: ئیمانوێل ماکرۆن سەرۆکی فەڕەنسا کۆنفرانسی پاریسی تایبه‌ت به سوریا رایگەیاند:
ئامادەین پشتیوانی لە سوریا نوێ بکەین، هەروەها دەبێت هەمو پێکهاتەکان بەبێ جیاوازی بەشداری لە پرۆسەی
سیاسی وڵاتەکەدا بکەن.
ئەمەشی
وت: فه‌ره‌نسا بڕی 50 ملیۆن دۆلاری وه‌كو هاوكاریی پێشكه‌ش به سوریا كردوە و به
پێویستیشی دەزانین په‌له له هه‌ڵگرتنی سزا ئابورییه‌كانی سه‌ر ئه‌و وڵاته بكرێت بۆ
دوباره بوژانه‌وه و ئاوه‌دانكردنه‌وەی.
زیاتر:
پێویستە هێزەكانی سوریای دیموكرات – هەسەدە لەگەڵ سوپای نوێی سوریا تێكەڵ بكرێن،
ئەمەش یارمەتیدەر دەبێت بۆ روبەڕوبونەوەی تیرۆر لە ناوچەكەدا.
چی تر: ئێمە
قەرزداری هێزەکانی سوریای دیموکرات - هەسەدەین و هاوكاربون لە شكستپێهێنانی داعـش،
دەســـتبەرداریان نابین، دەبێت شەڕ لە دژی داعش بەردەوام بێت.
هاوکات: سەرۆکی فەڕەنسا ئاماژەی
بەوەشکرد، له داهاتویه‌كی نزیكدا له پاریس پێشوازیی له ئه‌حمه‌د شه‌رع، سه‌رۆكی
قۆناغی راگوزه‌ری سوریا ده‌كه‌م.