بابەتە سەرەکیەکە: وەزارەتی کارەبا رایگەیاند، هەواڵی ناڕاست و چەواشەکارانە بە ناوی وەزارەتی کارەبا و فەرمانگەکانییەوە لەبارەی دۆخی کارەبا بڵاودەکرێنەوە.

راگەیەندراوی فەرمی: وەزارەتی کارەبای هەرێمی کوردستان رایگەیاند: لە هەندێ پەیج و ئەکاونتی پلاتفۆرمەکانی سۆشیاڵ میدیا، هەواڵی ناڕاست و چەواشەکارانە بە ناوی وەزارەتی کارەبا و فەرمانگەکانییەوە لەبارەی دۆخی کارەبا بڵاو دەکرێنەوە.

ئەمەش هەیە: وەزارەتی کارەبا تەنیا لە رێگەی وتەبێژ و پەیجە فەرمییەکەیەوە، زانیاری و داتای پێویست لەبارەی کار و چالاکی، بڕیار، لێدوان و رەوشی کارەبا بڵاودەکاتەوە.

زیاتر: وەزارەتی کارەبا لە ماوەکانی رابردو دەستی بە پرۆژەی دابینکردنی کارەبای 24 کاتژمێری کردوە و لەو شوێنانەی لە پلانەکەی دایە، سەرکەوتو بوە لە دابینکردنی کارەبای 24 کاتژمێری.

چی تر: لە بەرامبەر هەر جۆرە هەوڵێک بۆ بە لاڕێدا بردنی رای گشتی و پێدانی زانیاریی هەڵە لە بارەی دۆخی کارەبا، رێوشوێنی یاسایی دەرهەق ئەو کەس و لایەنانە دەگرینەبەر.