بابەتە سەرەکیەکە: وتەبێژی پارتی داد و گەشەپێدان - ئاکپارتی رایگەیاند، پێویستە هەمو چەکدارە کوردەکانی عێراق و سوریا، بە هەسەدەشــەوە چەکەکانیان دابنێن.

لێدوانی فەرمی: ئاژانسی هەواڵی رۆیتەرز لە زاری عومەر چەلیک، وتەبێژی ئاکپارتی کە ئەردۆغان سەرۆکایەتی دەکات بڵاویکردەوە: بێ گوێدانە ئەوەی چ ناوێک بەکار دەهێنێت، دەبێت رێکخراوە تیرۆریستیەکە چەکەکانی دابنێت و خۆی داماڵێت بە هەمو پێکهاتە و پاشماوەکانی لە عێراق و سوریا.

زیاتر: دەبێت هەمو چەکدارانی کورد لە عێراق و سوریا بە هێزە کوردییەکانی سوریا - هەسەدەشەوە کە هاوپەیمانی ئەمەریکا بون، چەکەکانیان دابنێن، هیچ دانوستانێک لەگەڵ تیرۆریستاندا نییە و ناكرێت.

چی تر: لە سایەی ئیرادەی رەجەب تەیب ئەردۆغان سەرۆککۆماری تورکیاوە، پرسی کورد چارە بوە و ئەمڕۆ گەیشتوینەتە ئەو قۆناغەی رایبگەیەنین کە کاتی هاتوە بگەینە بە ئامانجی تورکیایەکی دور لە تیرۆر.