بابەتە سەرەکیەکە: جێگری
نێردەی تایبەتی ئەمەریکا بۆ رۆژهەڵاتی ناوەڕاست رایگەیاند، ئەمەریکا لوبنان و
ئیسرائیلی هێناوەتە سەر مێزی دانوستان بە ئامانجی چارەسەرکردنی چەند کێشەیەک.
لێدوانی
فەرمی: مۆرگێن ئۆرتەیگێس، جێگری نێردەی تایبەتی ئەمەریکا بۆ رۆژهەڵاتی ناوەڕاست رایگەیاند؛
ئەمەریکا لوبنان و ئیسرائیلی هێناوەتە سەر مێزی دانوستان بە ئامانجی چارەسەرکردنی
دیپلۆماسی چەندین کێشەی ناکۆکی نێوان هەردو وڵات.
ئەمەش
هەیە: ئەم
پرسانەی وەک ئازادکردنی زیندانییە لوبنانییەکان و پرسەکانی جێی مشتومڕ وەک هێڵی
شین و ئەو پێنج ناوچەیەی کە هێزەکانی ئیسرائیل تا ئێستا تێیاندا جێگیرکراون،
دەستنیشانکراون.
زیاتر:
ئاماژەی بەوەشکردوە دوای کۆتاییهاتنی کۆبونەوەکە لە شاری ناقورە لە باشوری لوبنان
پێنج زیندانی لوبنانی ئازادکران، جەختیشی لەوە کردەوە کە لایەنەکان پابەندن بە
پاراستنی رێککەوتنی ئاگربەست و بەتەواوی جێبەجێی دەکەن.
هاوکات: میدیاکانی ئیسرائیل بە پشتبەستن بە نوسینگەی سەرۆک وەزیرانی وڵاتەکە،
ئازادکردنی ئەو پێنج لوبنانییەیان پشتڕاستکردەوە.