بابەتە سەرەکیەکە: سەرۆکی ئەمریکا رایگەیاند، لەم هەفتەیەدا لەگەڵ ڤلادیمێر پوتین، سەرۆکی روسیا قسە دەکەم و هیوادارین بە رێککەوتنەکە رازی بێت.

لێدوانی فەرمی: دۆناڵد ترەمپ سەرۆکی ئەمریکا لە کۆنگرەیەکی رۆژنامەوانیدا رایگەیاند؛ بەم زوانە جارێکی دیکە زێلێنسکی بانگهێشتی ئەمەریکا دەکەمەوە و لە کۆشکی سپی پێشوازیی لێدەکەم.

ئەمەش هەیە: دەمەوێت بە زوترین کات جەنگ لە ئۆکراینا کۆتایی پێبێت و هیوادارم روسیاش بە پێشنیازی ئاگربەست رازی بێت، وەک دەڵێن بۆ سەماکردن دو کەس پێویستە، راستە؟، لەم هەفتەیەدا لەگەڵ ڤلادیمێر پوتین، قسە دەکەم، هیوادارم رازی ببێت و باوەڕم وایە ئەوە لە سەدا 75ـی رێگاکە دەبێت بۆ چارەسەرکردن.

زیاتر: ئاماژەی بەوەشکرد، کە هەنگاوی داهاتو بریتییە لە " بە بەڵگەنامەکردنی رێککەوتنەکە و دانوستانکردن لەسەر شوێنی زەوییەکان ".