بابەتە سەرەکییەکە: ئێسكی زیاده‌ی پاژنه‌ی پێ بریتییه‌ له‌ کۆبۆنه‌وه‌ی مادده‌ی کالسیۆم (ته‌که‌لوسات ) له‌ ژێر پاژنه‌ی پێ و له‌ ئه‌نجام دا ئێسکێک دروست دەبێت.

زانیاری زیاتر: توێژینەوە پزیشکییەکان کۆمەڵێک نیشانه‌ و هۆكار و چۆنیه‌تی چاره‌سه‌ری ئه‌م حاڵه‌ته‌ دەخەنەڕوو.

 نیشانه‌کانی :
1- ئازارێکی کتوپڕی زۆر له‌ پێ دا ( وه‌ک ئه‌وه‌ی بزمار یان چه‌قۆیه‌کی تیژی بچێت پێی دا ) به‌ تایبه‌تی کاتێ به‌یانیان هه‌ڵده‌سه‌تیه‌ سه‌ر پێ .
2- ئازارێکی مام ناوه‌ند له‌ بنی پێ دا به‌ درێژایی ڕۆژ.
3-ئاوسان و سوور بوونه‌وه‌ و هه‌وکردنی په‌نجه‌کان و به‌شی پێشه‌وه‌ی پێ.
4- هه‌ست کردن به‌ گه‌رم بوون و سووتانه‌وه‌ له‌ پاژنه‌ی پێ دا .
5- زۆر به‌ زه‌حمه‌ت نه‌خۆش ده‌توانێت به‌ پێی په‌تی بڕوات .
6- هه‌ست کردنی به‌ بوونی ئێسکێکی ڕه‌ق له‌ پاژنه‌ی پێ دا .
7- هه‌ندێكجار هیچ نیشانه‌یه‌کی نیه‌ و نه‌خۆش هه‌ستی پێ ناکات .

 هۆکاره‌کانی دروست بوونی :
1- بریندار بوونی ماسوولکه‌ و به‌سته‌ر و شانه‌ نه‌رمه‌کانی ده‌وری قووله‌ پێ.
2- دڕان و بریندار بوونی په‌رده‌ی ده‌وری ئێسقانی قووله‌ پێ.
3-هۆکاری ته‌مه‌ن : تا ته‌مه‌ن زیاتر بێت پاژنه‌ی پێ توانای به‌رگری زه‌بر و هه‌وکردن و هه‌ڵمژینی فشاری که‌متر ده‌بێته‌وه‌ .
4-کۆبۆنه‌وه‌ی مادده‌ی کالسیۆم (ته‌که‌لوسات ) له‌ پاژنه‌ی پێ به‌ تێپه‌ڕ بوونی کات .

 شێوازی چاره‌سه‌رکردنی :

1- پشووی ته‌واو بۆ ماوه‌یه‌ک و ڕێگریکردن له‌ زه‌بر به‌رکه‌وتن به‌ بنی پێ .
2-به‌کارهێنانی که‌ماداتی سه‌هۆڵ بۆ که‌م کردنه‌وه‌ی ئازار و هه‌وکردنی پاژنه‌ی پێ ؛ ده‌رمانی ئازار شکێن.
3- له‌ پێ کردنی پێڵاوی تایبه‌ت .
4-  لێدانی ده‌رزی کورتیک و ستێروێد له‌ پاژنه‌ی پێ .
5- چاره‌سه‌ری سروشتی و وه‌رزشی تایبه‌ت به‌ به‌هێزکردنی ماسولکه‌کانی پێ .
6- چاره‌سه‌رکردنی هۆکاره‌کانی دروست بوونی ئێسقانی زیاده‌ی پاژنه‌ی پێ ئه‌گه‌ر بکرێت۰
7- شکاندنی له‌ ڕێگه‌ی ته‌زووی کاره‌بایی بۆ نەهێشتنی ئازارەکەی ، یاخود ئامێری شۆک وەیڤ( ECSW ) بۆ شکاندنی ،یان له‌ ڕێگه‌ی چاره‌سه‌ر به‌ ( prolotherapy ) و پلازمای خوێن .
8- نه‌شته‌رگه‌ری کۆتا رێگایە ‌ ژماره‌یه‌کی که‌می نه‌خۆشه‌کان پێویستیان پییەتی.