بابەتە سەرەکیەکە: پارێزگاری بانكی ناوەندی عێراق رایگەیاند، حكومەت كار لەسەر نەخشە رێگایەک دەكات بۆ بەرەو ئەلیکترۆنی بون.

لێدوانی فەرمی: عەلی عەلاق پارێزگاری بانکی ناوەندی بە ئاژانسی هەواڵی عێراقی راگەیاند: حكومەت بە پلان و نەخشە رێگایەكەوە كار دەكات بۆ حكومەتی ئەلیكترۆنی، هەروەها هەنگاو و هەوڵ و ناوەندێكی داتا هەیە، هیوادارین سەرجەم وەزارەتەکان لەسەر ئەو ئاڕاستەیە بڕۆن.

ئەمەشی وت: بانكی ناوەندی پلانێكی یەكخراوی هەیە، لە ماوەی ساڵی رابردودا بەڕێژەی لە 50%ـی بەكارهێنانی دراوی كاغەز لە بانكی ناوەندیدا كەمیکردوە، بەمزوانەش بەتەواوی کۆتایی بەو شێوازە مامەڵە دەهێنن و مامەڵەی ئەلیکترۆنی جێگەی دەگرێتەوە.

زیاتر: بانكی ناوەندی كار بۆ ئەوەی دراوێكی ئەلیکترۆنی هەبێت، ئەمەش كارێكی گەورەیە كە لە بانكەكەدا بە هەماهەنگی لەگەڵ رێكخراو و قەوارە نێودەوڵەتی و عەرەبییەكان، و راستەوخۆ لەگەڵ سندوقی دراوی عەرەبی كاریان لەسەر دەكرێت.