بابەتە سەرەکیەکە: محەمەد شیاع سودانی سەرۆک وەزیرانی عێراق و ئیمانوێل ماکرۆن سەرۆکی فەڕەنسا پەیوەندییەکی تەلەفونیان ئەنجامدا.

راگەیەندراوی فەرمی: نوسینگەی راگەیاندنی سەرۆک وەزیرانی عێراق بڵاویکردەوە: لەمیانی پەیوەندییەکەدا دوایین پێشهاتەکانی ناوچەکە و رێگاکانی پتەوکردنی پەیوەندییە دوقۆڵییەکانی نێوان هەردو وڵات تاوتوێکران.

ئەمەش هەیە: هه‌ر له‌و په‌یوه‌ندییه‌ ته‌له‌فۆنیه‌دا هەردولا هاوڕابون لەسەر ئەوەی تیمێکی دوقۆڵی وادەیەک بۆ سەردانەکەی ماکرۆن بۆ بەغدا دیاری بکات و باسیان لە ئەگەری ئەنجامدانی سێیەمین کۆنفرانسی بەغدا بۆ هاریکاری و هاوبەشی كرد.

هاوکات: هەروەها بۆچونەکانی نێوان عێراق و فەرەنسا سەبارەت بە پرۆسەی سیاسی نوێ لە سوریا، کە دەبێت رەنگدانەوەی باش له‌سه‌ر هه‌مو چین و توێژه‌كانی كۆمه‌ڵگا هه‌بێت، جەخت لەسەر پێویستی بەرەنگاربونەوەی تیرۆر و توندڕەوی و کارکردن بۆ پڕۆسەیەکی سیاسی هه‌مه‌جۆر و گشتگیر کراوەتەوە.

چی تر: هەردولا جەختیان لەسه‌ر گرنگی سەقامگیرکردنی لوبنان و بەهێزکردنی هەوڵەکان بۆ ئاوەدانکردنەوەی غەززە و پاراستنی ئاگربەست و رێگریکردن لە هەر جۆرە ئاگربەستێک کە رەنگە سەرهەڵبدات.

زیاتر: هەردولا رێککەوتن لەسەر هەماهەنگی هاوبەش بۆ بەرزکردنەوەی ئاستی سەقامگیری له‌ ناوچه‌کەدا‌ و دورکەوتنەوە لە پەرەسەندنی ئالۆزیه‌كان،  هەروەها جەخت لەسەر گرنگی دۆزینەوەی رێگەچارەی ئاشتیانە بۆ پرسی ئێران و دورکەوتنەوە لە مەترسی پەرەسەندن و چارەسەرکردنی ناکۆکیەکان لە رێگەی دیالۆگەوە.

زیاتر بزانە: سەرۆک وەزیرانی عێراق پابەندبونی عێراقی بۆ پاراستنی پەیوەندییە دوقۆڵییەکان و پتەوکردنی هاوکارییەکان لە ئاستە جیاجیاکاندا دوپاتکردەوە، بەتایبەتی لەبوارەکانی ئابوری و رۆشنبیریدا، هاوکات لای خۆیەوە ماکرۆن خواستی وڵاتەکەی بۆ بەردەوامیدان بە هاوکاری لەگەڵ عێراق لە بوارە جیاجیاکاندا دوپاتکردەوە.