بابەتە سەرەکییەکە: دوای ئەوەی شەوی رابردوو لە رێستۆرانتێکی شاری سلێمانی شەڕو ئاڵۆزی دروست بوو و تەقەکرا، یەکێک لە تۆمەتبارەکانی روداوەکە خۆی رادەستی هێزەکانی پۆلیس کرد.

راگەیەندراوی فەرمی: بەڕێوبەرایەتی پۆلیسی سلێمانی رایگەیاند، شەوی رابردوو لە رێستۆرانتی فانسی لەشاری سلێمانی شەڕو ئاڵۆزی دروست بوو و تەقەکرا، لە دوای روداوەکەش پۆلیس و ئاسایشی سلێمانی بەردەوام بوون لە گەڕان و بەدواداچوونەکان بۆ دۆزینەوەو دەستگیرکردنی تۆمەتباران.

ئاماژە بەوەکراوە: لە ئێستادا یەکێک لە تۆمەتبارەکان خۆی رادەستی هێزەکانی پۆلیس کردووە و دەستیش گیرا بەسەر چەکێک لەجۆری دەمانچەی تورکی.

زیاتر: لە ئێستادا تۆمەتبار (ز،ح،ع ) بەبڕیاری بەڕێز دادوەر راگیراوە و لێکۆڵینەوە لە ڕوداوەکە بەردەوامە.

 هاوکات: لە راگەیەندراوەکەی پۆلیسی سلێمانی باس لەوەکراوە، ''هێزەکانمان بەردەوامن لە گەڕان بۆ دەستگیرکردنی ئەو تۆمەتبارانەی تر کە لەلایەن بەڕێز دادوەرەوە فەرمانی دەستگیرکردنیان بۆ دەرکراوە و لە داهاتوشدا هەر کەسێک فەرمانی دەستگیرکردنی بۆ دەربچێت هێزەکانمان دەستگیری دەکات.''