بابەتە سەرەکیەکە: کەمێک پێش ئێستا، شەڕەتەقە لە نێوان دو بنەماڵە لە گوندى قاسم بەگزادەى سنورى چەمچەماڵ رویدا و بەهۆیەوە سێ کەس کوژران.

لێدوانی تایبەت: سەرچاوەیەک لە پۆلیسی چەمچەماڵ بە BMC راگەیاند؛ شەڕەتەقە لە نێوان دو بنەماڵە لە گوندى قاسم بەگزادەى سنورى چەمچەماڵ رویدا و بەهۆیەوە سێ کەس کوژران، کە دوانیان بران و ئەوەی دیکەش ئامۆزایانە، هەردو بنەماڵەکەش خزمی یەکترن و کێشەی زەویوزار لە نێوانیاندا هەبوە.

زیاتر: سەرچاوەکە ئاماژەی بەوەشکرد، تاوەکو ئێستاش بەهۆی روداوەکەوە هیچ کەسێک دەستگیر نەکراوە و لێکۆڵینەوەکانمان بەردەوامن.

چی تر: بەگوێرەی زانیاریەکانی BMC، ناوی کوژراوەکان؛ هێمن محەممەد سلێمان، ساڵح شەریف و عەبدوڵا شەریفە.