بەگوێرەی راپۆرتە رۆژنامەوانییەکان، سوپای ئیسرائیل ١٠٠ هەزار سەربازی لەسەر سنووری لوبنان جێگیرکردووە.
رۆژنامەی وۆڵ ستریت جۆرناڵی ئەمەریکی لە زاری بەرپرسانی تەلئەبیبەوە بڵاویکردەوە:" سوپای ئیسرائیل ١٠٠ هەزار سەربازی لە سنووری لوبنان جێگیر کردووە".
شایەنی باسە لەسەرەتای دەستپێکردنی شەڕی نێوان چەکدارانی حەماس و سوپای ئیسرائیل لە ٧ی تشرینی یەکەمی ئەمساڵ، هێزەکانی حزبوڵای لوبنانی هێرشەکانی بۆسەر بنکە و سەربازەکانی سوپای ئیسرائیل دەستپێکردووە.
هاوکات سوپای ئیسرائیل بە بۆردومانکردنی ناوچە سنوورییەکانی لوبنان کە بە وتەی سوپاکە، هێزەکانی حزبوڵا لەو ناوچانە جموجۆڵیان هەیە، وەڵامی هێرشەکانی هێزە لوبنانییەکەی داوەتەوە.