دوای ئەنجامدانی چەندین توێژینەوە، شارەزایان ناوی چەند خۆراکێکیان بڵاوکردووەتەوە کە یارمەتیدەر دەبێت بۆ کەمکردنەوەی رێژەی کاریگەرییەکانی خەمۆکی.
ئەو خۆراکانەی ئاماژەیان پێکراوە و لە پێگە جیهانییەکاندا بۆ کەمکردنەوەی رێژەی کاریگەرییەکانی خەمۆکی بڵاوکراونەتەوە بریتین لەمانە:

١.بەیبون

بەگوێرەی راپۆرتێک کە ماڵپەری Healthline بڵاویکردووەتەوە، خواردنەوەی گیراوەی بەیبون کە بەشێوەیەکی تەندروست و شارەزایانە ئامادەکرابێت، یارمەتی کەمکردنەوەی دڵڕەواکێ دەدات، چونکە تایبەتمەندی دژەئۆکسێنەر و دژە هەوکردنی تێدایە، هەروەها یارمەتیدەرە بۆ رێکخستتنی هۆڕمۆنەکانی پەیوەست بە باری دەروونییەوە وەک دۆپامین و سیرۆتۆنین.

٢. ماسی سەلەمون

بەگوێرەی ماڵپەری Healthline ئەم ماسییە ماددە خۆراکییەکان و کانزاکانی پەیوەست بە تەندروستی مێشک لەخۆدەگرێت وەک ڤیتامین دی، ترشە چەوری ئۆمیگا٣.

٣.چوکولاتەی تۆخ

چوکولاتەی تۆخ پڕە لە ریشاڵ و ئاسن و مەگنیسۆم، بەگوێرەی توێژینەوەیەک کە لە ساڵی ٢٠١٩ لەلایەن توێژەرانی زانکۆی لەندەنەوە ئەنجامدراوە، ئەو کەسانەی بە رێژەی پێویست چوکولاتەی تۆخیان خواردووە، ئەگەری تووشووبوون و کاریگەرییەکانی خەمۆکیان بە رێژەیەکی بەرچاو کەمتربووە لە کەسانی دیکە.