سەرۆککۆماری تورکیا لەناو خاکی ئەڵمانیادا رەخنەی لە حکومەتی ئەو وڵاتە گرت بەوەی بەهۆی هەستکردن بە تاوانەوە پشتگیری ئیسرائیل دەکەن.
رەجەب تەیب ئەردۆغان سەرۆککۆماری تورکیا لە میانەی سەردانێکیدا بۆ ئەڵمانیا و لە کۆنگرەیەکی رۆژنامەوانیدا کە تیایدا ئۆلاف شۆڵتزی راوێژکاری ئەڵمانیاش ئامادەبوو رایگەیاند:" دوا لە ئیسرائیل دەکەم کۆتایی بە هێرشە سەربازییەکانی بۆسەر حەماس بهێنێت و دەستبەجێ ئاگربەست رابگەیەنێت".
ئاماژەی بەوەشکرد:"پێویستە ئەڵمانیا هاوکاربن بۆ گەیشتن بە ئاگربەست لەنێوان حەماس و ئیسرائیلدا، ئەڵمانیا لەبەر هەستکردن بە تاوان بەرامبەر هۆلۆکۆستی نازییەکان پشتیوانی ئیسرائیل دەکات لە هێرشەکانی بۆسەر غەززە، نابێت شەڕی فەڵەستین و ئیسرائیل بە هەستکردن بە قەرزاری هەڵبسەنگێندرێت، ئێمە هیچ قەرزاری ئیسرائیل نین بۆیە من بە ئازادی قسە دەکەم".
هاوکات ئۆلاف شۆڵتز راوێژکاری ئەڵمانیا وتی:" ئێمە هەرگیز سازش لەسەر مافت بوونی ئیسرائیل و بەرگریکردن لە خۆی ناکەین".