بابەتە سەرەکییەکە:
قەتەڕ، ئەمەریکا و میسر راگەیەندراوێکی هاوبەشیان لەبارەی ئاگربەستی غەززەوە
بڵاوکردەوە.
راگەیەندراوی فەرمی:
هەرسێ وڵاتی قەتەڕ، ئەمەریکا و میسڕ لە بەیاننامەیەکی هاوبەشدا ئاماژەیان بەوەکرد:
دووەم رۆژی دانووستانەکان بنیاتنەربوون، لە چەند رۆژی داهاتووشدا ناوبژیوانان
بەردەوام دەبن لەسەر وردەکارییەکانی جێبەجێکردنی ئاگربەستی پێشنیارکراوی غەززە.
زیاتر: بە تەواوەتی رێگا
خۆشکراوە بۆ راگەیاندنی ئاگربەست، ئازادکردنی بارمتەکان، رزگارکردنی ژیانی
مرۆڤەکان، پێشکەشکردنی هاوکاری مرۆیی بۆ غەززە، هێورکردنەوەی گرژییەکان.
چی تر: کات بەدەستەوە
نەماوە تاوەکو بە فیڕی بدەین و هیچ لایەنێکی شەڕیش بیانووی نەماوە بۆ دواخستنی
راگەیاندنی ئاگربەست، پێش کۆتاییهاتنی ئەم هەفتەیەش بەرپرسانی باڵای حکومەتەکانی
هەرسێ وڵات لە قاهیرە کۆدەبنەوە بۆ ئەوەی کاروباری رێککەوتەنەکە تەواو بکەن.