بابەتە سەرەکیەکە: وتەبێژی جێگری سەرۆک وەزیران رایگەیاند، وەزیری
دارایی عێراق داوایکردووە لیستی مووچەی مانگەکانی ئاب و ئەیلولی بۆ رەوانە بکرێت.
کێ وتی: سەمیر هەورامى، وتەبێژى جێگری سەرۆکوەزیرانى هەرێمى کوردستان
رایگەیاند: لە كۆبوونەوەی وەفدی هەرێم و بەغدا، تەیف سامی وەزیری دارایی عێراق
داوایكردووە لیستی مووچەی مانگەكانی ئاب و ئەیلولی بۆ رەوانەبكرێت و بەپێی ئەو
میكانیزمەی دانراوە مووچە دەنێردرێت.
ئەمەشی وت: ئەو راسپاردانەى لە ئەنجامى کۆبوونەوەکانى هەردوو
ئەنجوومەنى ئابووریى عێراق و هەرێمى کوردستان دەرچوون، سبەینێ لە کۆبوونەوەى
ئەنجوومەنى وەزیرانى عێراق دەخرێنەڕوو دەنگیان لەسەر دەدرێت.
چی دیکە: بۆ مووچەی مانگی تەمموز و ئاب
ترلیۆنێک و 181 ملیار دینارمان بۆ رەوانەكرابوو، بۆ مووچەی مانگی تەمموز بڕی 998
ملیار دینار خەرجكراوە و 183 ملیار ماوەتەوە و چاوەڕوانی حكومەتی عێراق دەكەین كە
پارەی تەرخانكراو بۆ مووچە بنێرێت.
زیاتر: لە كۆبوونەوەكەدا حكومەتی عێراق سێ تێبینی هەبوو كە داوایكرد
كێشەی لیستی مووچە، بایۆمەتری و مووچەخۆرانی ناوچە دابڕێندراوەكان تاوەكو كۆتایی
ئەمساڵ چارەسەربكرێن و بەغدا بەردەوامدەبێت لە ناردنی مووچە.