چی روویدا: لە ئەنجامی هێرشێکی ئاسمانیدا شەش تیرۆریستی
داعشن کوژران، کە یەکێکیان فەرماندەیەکی باڵای ئەو رێکخراوە تیرۆریستییەوە بووە.
کێ وتی: فەرماندەیی ئۆپراسیۆنە
هاوبەشەکانی عێراق دەڵێت:" دوای چاودێریکردنی چڕی دەزگای هەواڵگری عێراق بۆ
ماوەی دوو مانگ، توانرا لە سنووری کەرکوک لە رێگەی فڕۆکەی جەنگی F16وە سێ گورزی کوشندە لە تیرۆرستیانی داعش بدرێت".
ئەمەشی وت: لە ئەنجامی
ئەو هێرشانەدا شەش تیرۆریست کوژران، لە ناویشیاندا (عومەر سەڵاح نەعمە) ناسراو بە (ئەبو
خەتاب) هەبووە، کە یەکێک بوو لە مەترسیدارترین فەرماندەکانی داعش و ئامری بەناو کەرتی
ئالبوحەمدان بوو لە ویلایەتی کەرکوک.