بابەتە سەرەکیەکە: وتەبێژی حکومەتی ئێران رایگەیاند، دانوستاندن ستراتیژییەکە کە ئێران هەمیشە پەیڕەوی کردوە، وەک وڵاتێک کە دیالۆگی دەوێت، دانوستاندن بە بەکارهێنانی هێز دانوستان نییە.

لێدوانی فەرمی: فاتمە موهاجرانی وتەبێژی حکومەتی ئێران لە کۆنگرەیەکی رۆژنامەوانیدا رایگەیاند: چاوەڕوانی ئەوەمان دەکرد ئیدارەی ئەمریکا ئەوپەڕی فشار بخاتە سەر ئێران، هەرچەندە دەمانزانی ئەم ستراتیژییە ئەنجامی نابێت.

ئەمەشی وت: حکومەت پلانێکی کاریگەری هەیە بۆ خۆشگوزەرانی ئابوری، ئێمە بە پشتیوانی خەڵک بەسەر ئەم دۆخە سەختەدا زاڵ دەبین و ئێرانییەکان لەژێر فشاردا خۆیان بەدەستەوە نادەن.

زیاتر: سەبارەت بە پلانی حکومەت بۆ دانوستاندن لەگەڵ ئەمەریکا وتی، دانوستاندن ستراتیژییەکە کە ئێران هەمیشە پەیڕەوی کردوە وەک وڵاتێک کە دیالۆگی دەوێت بەڵام مەرجی هەیە و دانوستاندن بە بەکارهێنانی هێز دانوستاندن نییە.

هاوکات: هۆکاری ئەوەی ئێمە دانوستاندن رەتدەکەینەوە ئەوەیە کە لایەنی بەرامبەر لە زمانی دانوستاندن تێناگات، ئێمە زمانی دانوستاندن و گفتوگۆ دەزانین و هەمیشە وەک ئامرازێک بۆ دیپلۆماسی بەکارمان هێناوە.

چی تر: ئێرانییەکان ئامادەن گفتوگۆ و دۆستایەتی بکەن، بەڵام ئێران ناکەوێتە ژێر فشار و دو قسەیی، پێویستە هەمیشە رێوشوێنەکانی لایەنی بەرامبەر وەک نیشاندەری رەفتار لەبەرچاو بگرین.