بابەتە سەرەکیەکە: شێخ جەعفەر شێخ مستەفا جێگری سەرۆکی هەرێمی کوردستان، بەبۆنەی ساڵیادی راپەڕین شاری هەولێر و رێککەوتنی 11ـی ئازاری ساڵی 1970 پەیامێکی بڵاوکردەوە.

پەیامی فەرمی: شێخ جەعفەر شێخ مستەفا رایگەیاند؛ ئەمڕۆ 34 ساڵ تێپەڕ دەبێت بەسەر ڕاپەڕین و ئازادکردنی شاری هەولێر، کە هاوتایە لەگەڵ ساڵیادی ڕێککەوتننامەی 11ـی ئازاری 1970، لەم ڕۆژەدا شاری هەولێر بە پشتیوانی خەڵکە ئازا و پێشمەرگە قارەمانەکانی کوردستان، تاجی سەرکەوتنی ڕاپەرینی کردە سەر لە بەرامبەر ڕژێمی دیکتاتۆری بەعسی فاشیزم.

هاوکات: لەگەڵ یادی ڕاپەڕین، 55 ساڵیش بە سەر رێککەوتننامەی 11ـی ئازاری 1970 تێپەر دەبێت، کە جێبەجێکردنی رێککەوتنەکە وەکو خۆی دەستکەوتێک بو بۆ داهاتوی گەلی کوردستان و پێکانی ئامانجەکانی شۆرش، بەڵام دواجار ئامانجی رێککەوتنەکە لە باربرا و بە هەڵوەشاندنەوەی ڕێککەوتنەکە دوبارە پەیوەندییەکان لەگەڵ حکومەتی عێراقی ئەوسا ڕوی لە ئاڵۆزیی زیاتر کرد.

زیاتر: بەمەش کورد دەسەڵاتی لاواز بوو لە ناوچەکە و هەرەسی شۆڕشی کوردی بەدوا داهات، بەڵام دواجار بە هەڵگیرسانەوەی شۆڕشی نوێ خەباتی شۆڕشگێڕی دەستی پێکردەوە، لەپێناو بەدیهێنانی مافە ڕەواکانی گەلی کورستان و گەیشتن بە خۆری ئازادیی و سەربەخۆیی.

دەقی پەیامەکەی جێگری سەرۆکی هەرێمی کوردستان؛

ئەمڕۆ ٣٤ ساڵ تێپەڕ دەبێت بەسەر ڕاپەڕین و ئازادکردنی شاری هەولێر، کە هاوتایە لەگەڵ ساڵیادی ڕێککەوتننامەی ١١ی ئازاری ١٩٧٠، لەم ڕۆژەدا شاری هەولێر بە پشتیوانی خەڵکە ئازا و پێشمەرگە قارەمانەکانی کوردستان، تاجی سەرکەوتنی ڕاپەرینی کردە سەر لە بەرامبەر ڕژێمی دیکتاتۆری بەعسیی فاشیزم. بەم بۆنەیەوە پیرۆزباییەکی گەرم لە کوردستانییانی ئازیز و خەڵکی سەربەرزی شاری هەولێر دەکەم.

لەگەڵ یادی ڕاپەڕین، ٥٥ ساڵیش بە سەر ڕێککەوتننامەی ١١ی ئازاری ١٩٧٠ تێپەر دەبێت، کە جێبەجێکردنی ڕێککەوتنەکە وەکو خۆی دەستکەوتێک بوو بۆ داهاتووی گەلی کوردستان و پێکانی ئامانجەکانی شۆرش، بەڵام دواجار ئامانجی ڕێککەوتنەکە لە باربرا و بە هەڵوەشاندنەوەی ڕێککەوتنەکە دوووبارە پەیوەندییەکان لەگەڵ حکوومەتی عێراقی ئەوسا ڕووی لە ئاڵۆزیی زیاتر کرد، بەمەش کورد دەسەڵاتی لاواز بوو لە ناوچەکە و هەرەسی شۆڕشی کوردی بەدوا داهات، بەڵام دواجار بە هەڵگیرسانەوەی شۆڕشی نوێ خەباتی شۆڕشگێڕی دەستی پێکردەوە، لەپێناو بەدیهێنانی مافە ڕەواکانی گەلی کورستان و گەیشتن بە خۆری ئازادیی و سەربەخۆیی.

پیرۆزی یادی ڕاپەڕین و خەباتی شۆڕشگێڕیمان، بەرپرسیاریەتییەکی گەورە دەخاتە سەرشانی هەموومان، بە تایبەت بۆ ئەم قۆناغە هەستیار و پڕ لە قەیرانە سیاسیی و ئابوورییەی کە تێیکەوتووین، گرنگە لە ئێستادا بە یەکڕیزیی و کۆدەنگی نێوان لایەنە سیاسییەکان، هەنگاو بنرێت بۆ قۆناغی بەرەنگاربوونەوە و چارەسەرکردنی کێشەکان بە گفتووگۆ، لەپێناو بەدەستهێنانی مافە نەتەوەیی و دەستوورییەکان و فەراهەمکردنی ژیانێکی شایستە و خۆشگوزەران بۆ هاووڵاتیانی کوردستان.

لەم دوو یادە مەزنەدا، سەری ڕێز و وەفا بۆ سەرجەم شەهیدانی ڕێگای ئازادی کوردستان دادەنەوێنم. بەرز و شکۆدار بێت ساڵیادی ١١ی ئازاری ١٩٧٠ و ڕاپەڕین و ڕزگارکردنی شاری هەولێری پایتەختی هەرێمی کوردستان.

شێخ جەعفەر شێخ مستەفا
جێگری سەرۆکی ھەرێمی کوردستان
١١ی ئازاری ٢٠٢٥