بابەتە سەرەکییەکە: داوادەکرێت لە پەرلەمانی داهاتووی هەرێمی كوردستان پرۆژە یاسای بە جینۆناساندنی تاوانی كیمیابارانی هەڵەبجە پەسەند بکرێت. 

راگەیەندراوی فەرمی: لیژنەی باڵای 37مین ساڵیادی كیمیابارانی هەڵەبجە داوادەکەن، حکومەتی هەرێم هەنگاوی جدیتر بنێت بۆ خزمەتی زیاتری وارسی شەهیدان و دابینکردنی خزمەتگوزاری زیاتر بۆ هەڵەبجە.

هاوکات: داوا لەحکومەتی هەرێم دەکەن پارێزەری مافی هەڵەبجەییەکان بێت لە عێراق و بەڕەسمی داوای قەرەبوو بۆ زیانلێکەوتووان بکاتەوە.

زیاتر: لیژنەکە داوای ئەوەش دەکات، حکومەتی هەرێم بڕیاربدات بە دەستپێکردنەوەی پرۆژەکان لەپارێزگای هەڵەبجە و دابینکردنی بودجەیەکی تایبەت بۆ بەرکەوتووانی چەکی کیمیایی.

ئەمەش هەیە: لە درێژەی داواکارییەکانیاندا داوا لە سێ سەرۆکایەتییەکەی هەرێم و سەرۆکی حزبەکان و پەرلەمانتاران لەبەغدا دەکەن، هەوڵەکانیان چڕ بکەنەوە، بۆ پەسندکردنی بەپارێزگابوونی هەڵەبجە لەئەنجومەنی نوێنەرانی عێراق.