بابەتە سەرەکییەکە: به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێم رایگه‌یاند، ئه‌مڕۆ ئه‌گه‌ری بارانبارین و هه‌وره‌ بروسكه‌ له‌زۆربه‌ی ناوچه‌كان هەیە.

راگەیەندراوی فەرمی: به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هەرێم بڵاویکردەوە، ئه‌مڕۆ سێشه‌ممه‌ ئاسمان نیمچه‌ هه‌ور بۆ هه‌وری ته‌واو ده‌بێت، له‌گه‌ڵ ئه‌گه‌ری كه‌مێك نمه‌ باران و هه‌وره‌ بروسكه‌ له‌زۆربه‌ی ناوچه‌كاندا له‌كاته‌كانی دوایی نیوه‌ڕۆ.

هاوکات: پێشبینیده‌كرێت له‌سه‌نته‌ری شاره‌كان باران ببارێت بۆ ماوه‌ی كورت خایه‌ن و رێژه‌ی دابارین له‌ناوچه‌كانی رۆژهه‌ڵات و سنووری پارێزگای سلێمانی زیاتر ده‌بێت و پلەکانی گەرما بەرزدەبێتەوە.

زیاتر: کەشناسی هەرێم ئاماژەی بەوەشکردوە، سبه‌ی چوارشه‌ممه‌ ئاسمان ساماڵ ده‌بێت له‌گه‌ڵ هه‌ندێك په‌ڵه‌هه‌ور، پله‌كانی گه‌رما به‌ڕێژه‌ی 2-3 پله‌ی سیلیزی به‌راورد به‌ تۆماركراوه‌كانی ئه‌مڕۆ به‌رزده‌بنه‌وه‌.