بابەتە سەرەکیەکە: مەسعود بارزانی سەرۆکی پارتی
دیموکراتی کوردستان لە 55ـەمین ساڵیادی رێككه‌وتننامه‌ی
11ـی ئازار 1970، پەیامێکی بڵاوکردەوە.
چی وت: مەسعود بارزانی رایگەیاند؛ رێككەوتننامەی
11 ئازار 1970 دەستكەوتێكی مێژویی و گرنگی خەباتی گەلی كوردستانە، بۆ یەكەمین جار
حكومەتی عێراقی دانی بە بەشێک لە مافەكانی گەلی كورد نا و ئەو دەرفەتە هاتە كایەوە
گەلی كوردستان بتوانێ كار لەسەر خۆبەڕێوەبردن و بەهێزكردنی زمان و كولتور و
دابینكردنی سەقامگیری بكات.
دەقی پەیامەکەی سەرۆکی پارتی؛
بەناوی
خودای بەخشندە و میهرەبان
ڕێككەوتننامەی
یازدەی ئازاری 1970 دەستكەوتێكی مێژوویی و گرنگی خەباتی گەلی كوردستانە، بۆ یەكەمین
جار حكوومەتی عێراقی دانی بە بەشێك لە مافەكانی گەلی كورد نا و ئەو دەرفەتە هاتە
كایەوە گەلی كوردستان بتوانێ كار لەسەر خۆبەڕێوەبردن و بەهێزكردنی زمان و كولتوور
و دابینكردنی سەقامگیری بكات.
ئەو
ڕێككەوتنە بەرهەمی تێكۆشان و خەباتی پێشمەرگە و كەوادیری حزب و سەرجەم چین و
توێژەكانی كوردستان لە شۆڕشی ئەیلوول بوو و هەڵگری وانەی ستراتیژی و گرنگ بوو بۆ
قۆناغەكانی دواتری خەباتی بزووتنەوەی ڕزگاریخوازی كوردستان و بووە هۆی
بەهێزتربوونی دۆزی ڕەوای گەلی كوردستان.
لە
پەنجا و پێنجەمین ساڵیادی ڕێككەوتننامەی یازدەی ئازاردا هەزاران سڵاو بۆ ڕۆحی پاكی
شەهیدانی شۆڕشی ئەیلوول و سەرجەم شۆڕشەكانی كوردستان دەنێرین و پێزانینمان بۆ
هەموو پێشمەرگە و خەباتگێڕانی شۆڕشی ئەیلوول هەیە كە بە كۆڵنەدان و پێداگری و ورەی
پۆڵایینیان دەستكەوتی گەروەیان بۆ گەلەكەیان مسۆگەر كرد.
مەسعود
بارزانی
11ی
ئازاری 2025