بابەتە سەرەکییەکە: ''بەسەرهات و بیرەوەرییەکان'' کتێبی کەمال خدر مستەفایە کە  ناسراوە بە ''پەستەک سۆر''، لە ساڵی 2017 بیرەوەریەکانی خۆی تێدا نوسیوەتەوە.

زیاتر: کەمال خدر مستەفا لە کتێبەکەیدا باس لە زۆربەی بیرەوەرییەکانی خۆی دەکات، لە بەشێکی کتێبەکەیدا دەڵێت،''ھەرەتم بوو، حەزم بەژیانێکی ھێمن دەکرد، حەزم دەکرد ژن بھێنم و ماڵ و منداڵم ھەبێ، ئەو ساڵانەی پێش ژن ھێنانم زۆر شەکەت بووم.''

ئەمەش هەیە: لە بەشێکی دیکەی بیرەوەریەکانی نووسیوەیەتی،'' ھەرچەندە من باش لەوە گەیشتووم کە ژن ھێنان و منداڵ دروست کردن چەندەی خۆشی ژیان تێدایە ئەوەندەش تووشی کۆمەڵێ بەرپرسیارەتی گرانت دەکا. بە تایبەتی منداڵ ئەگەر باش پەروەردە کرا ئەوە رەحمەتێکە بۆ خۆی و خێزان و گەل و نیشتمانەکەی، خۆ جاری وا بووە منداڵ لەدەست دەرچووە بوو بەبەڵ بەھۆی درووستکردنی سەر ئێشە بۆ خۆی و خێزانەکەی.''

کەمال خدر سەبارەت بە پەروەردەی خێزان دەڵێت: ''من لە لایەنی خوێندن و پەروەردەکردنی منداڵەکانم سەرم ئاسوودەیە منداڵی دووەمم دکتۆرە (سانا) کە پزیشکی بواری منداڵ بوونەو ماستەر و دکتۆرای لەم بوارە بەدەستھێناوە.''

دەشڵێت: ''منداڵی سێیەمم دکتۆر(سەھەند) دکتۆراکەی لە زانکۆی (نۆتنگام) ھێناوە، چوارەمم (سیابۆ) بەکالۆریسی لە ماتماتیک، منداڵی پێنجەمم (سایە) پزیشکی پێستە، منداڵی شەشەمم (ھەرێم) پزیشکی گشتییە لە بواری چاو، منداڵی حەوتەمم (سەناریا ) پزیشکی گشتییە، منداڵی ھەشتەمم خوێندکاری کۆلیژی دەرمانسازییە.''