بابەتە سەرەکییەکە: دۆناڵد ترەمپ ئەمڕۆ سێشەممە پەیوەندی تەلەفونی لەگەڵ ڤلادیمێر پوتین ئەنجام دەدات و باس لە دواین پێشهاتەکان و کۆتاییهێنان
بە جەنگی ئۆکراینا دەکەن.
ئەوەی پێویستە بیزانیت: دوێنێ دووشەممە سەرۆکی ئەمریکا، دۆناڵد ترەمپ رایگەیاند،
ئەمڕۆ سێشەممە گفتوگۆ لەگەڵ سەرۆکی روسیا ڤلادیمێر پوتین دەکات، کۆشکی سپی و کرێملنیش ئامادەکاریی تەواویان کردووە، بۆ ئەنجامدانی ئەو
پەیوەندییە.
زانیاری زیاتر: پەیوەندییەکە بە هەنگاوێکی چارەنووس ساز دادەنرێت سەبارەت
بە جەنگی ئۆکراینا کە ماوەی سێ ساڵە بەردەوامە.
هاوکات: سەرۆکی ئەمریکا باسی لەوەشکردووە، گفتوگۆکانیان لەگەڵ پوتین سەبارەت
بە راگرتنی جەنگی نێوان روسیا و ئۆکراینایە هاوکات، خاک و وێستگەکانی وزە تەوەرێکی دیکەی
گفتوگۆکەیان دەبێت.