بابەتە سەرەکییەکە: فەرمانگەی ئاوی چەمچەماڵ دەکرێت بە بەڕێوەبەرایەتی و قائیمقامییەتی قەزاکەش ئاماژە بەوەدەکات، ئەم کارە دەبێتە هۆکارێک بۆ خزمەتکردنی زیاتری هاوڵاتییانی سنورەکە.

راگەیەندراوی فەرمی: قائیمقامیەتی چەمچەماڵ بڵاویکردەوە: دوای هەوڵێکی زۆری ئیدارەی چەمچەماڵ و بە پشتیوانی و هاوکاری دڵسۆزان، بە فەرمانی وەزارەتی شارەوانی فەرمانگەی ئاوی چەمچەماڵ کرا بە بەڕێوەبەرایەتی و 10 فەرمانگەی ئاو لە ناوەندی قەزا و ناحیەکانی سنورەکە دەخرێنە سەر بەڕێوەبەرایەتییەکە.

چی تر: بونی فەرمانگەی ئاو بە بەڕێوەبەرایەتی دەبێتە هۆکارێک بۆ خزمەتکردنی زیاتر بە هاوڵاتییانی سنورەکە و بەڕێوەبەرایەتییەکە دەستکراوەتر دەبێت لە روی دارایی و سوتەمەنی ئامێرەوە بۆ خزمەتکردن و چارەسەرکردنی گرفتەکان.